Missmiki的部落格

不用我多介紹，台北的上引水產是必食推介。

上引水產的格局像是超級市場一樣，

從魚生、各種海鮮、熟食、蔬果、酒水應有盡有。

上網見很多人都推薦一定要去立吞美食區～

立吞美食區其實是一間餐廳，

「立吞」是站著吃的意思，有加一服務費的。

由於我地想試埋超市的魚生，

所以係立吞美食區只叫了幾樣食物，

分別有１０貫的特選握壽司、馬糞海膽手卷、油鮪魚蔥花手卷以及鱈蟹塩燒（中）。

看到很多人的遊記都有推薦點１０貫的特選握壽司，

整體就是吃起來新鮮，

個人覺得一般般～

魚骨味噌湯

這個是特選壽司附送的味噌湯，

材料有有蝦頭、魚骨等。

味道不過不失，湯料很足。

可能對馬糞海膽手卷的期望太高，

算不上好吃到想再食，

比我在上引水產超市中買到的北海道小盒海膽更差。

完全失望，後悔叫左呢樣，

搞到個肚無位食其他美食。

好在手卷份量唔算多，一人一啖已經食完。

超推介——黑鮪大腹生魚片 NT $820

肥美的拖羅，

每一啖都是滿滿的罪惡感！

都係返到香港先減肥啦~

望到拖羅既雪花紋已經流晒口水，

果然入口即溶。

Oh!!!!! 膽固醇又要爆錶啦~

都係食完呢餐先算！

海膽濃郁甘甜，完全無苦味，

每食一啖都覺得好感動！

紫菜一定要買～

因為⋯⋯

你一定懂的！

紫菜包海膽同拖羅，

之前食高級料理 廚房發板，

師父都係咁樣包住比我食。

呢個魚生飯其實都唔錯，好食過香港多多聲，

可惜最後太飽食唔晒~

總括而言，立吞美食區可試可不試，

而上引水產超市的刺生一定要試，

尤其是黑鮪大腹生魚片同埋北海道小盒海膽 ，

雖然拍唔上係日本食咁新鮮，

但係都好好食！

上引水產

http://www.addiction.com.tw/

地址：台北市民族東路410巷2弄18號

營業時間 06:00-24:00

前往方法：乘地鐵捷運天宮站3號出口，沿松江路往民族東路直行。